KINGDOM OF LESOTHO
ELEVENTH PARLIAMENT NATIONAL ASSEMBLY
Daily Hansard (Official Report)
FIRST SESSION
THIRD MEETING
Monday, 16th October, 2023
(Unrevised)
NATIONAL ASSEMBLY CHAMBER
Monday, 16th October, 2023
[The House assembled at 2:30 p.m.]
[RT. HON. MR. SPEAKER in the Chair]
PRAYER
[The Chaplain Led the House in Prayer]
HON. M. G. MOFOMOBE(PR): Point of order!
RT. HON. MR. SPEAKER: Ntlha ea tsamaiso, Setho se Khabane Mofomobe.
HON. M. G. MOFOMOBE(PR): Mohlomphehi, ntlha eo ke emang ke eona ke ea ho makala, le ho tšoha letsoalo, le ho nyaroha, le ho tsitsipana, le ho feroha maikutlo, le ho feroha matšoafo, ho sisimoha maikutlo ke polelo e entsoeng ke Mohlomphehi Tona-Kholo motšeare kajeno. Helang baheso! When you are a leader of a country you have to embrace the constitutional frame work eo u beileng. Ha u e rahe ka maoto. You don’t kick the Constitution ka maoto. You embrace it hobane e u beile.
Ke ne ke re, Mohlomphehi, lipolelo tseno tsa hore when we exercise se ngotsoeng constitutionally ka hare ho Molao oa Motheo, ebe the Head of Government o raha taba eno ka lieta. It is uncalled for and you should know we are not going to allow that. Hore na u noele poison u ntse u tl’o shoa hosane [Lerata]. You cannot postpone your death. Kea leboha, Mohlomphehi.
RT. HON. MR. SPEAKER: Ntlha ea tsamaiso ea Setho se Khabane Mofomobe. Ha kea utloa hantle, Mohlomphehi Mofomobe. Ke batla ho utloa ntlha ea tsamaiso hantle.
HON. M. G. MOFOMOBE: Mohlomphehi, seo ke neng ke se bolela ke sena. Ke hore Molao oa rona oa Motheo o tolokile hore na ho etsoa eng le eng ka nako e feng. Haeba ‘na ke ipapisitse le Molao oa Motheo, ke kenya tlhahiso ea ho hloka tšepo ho Mohlomphehi Tona-Kholo ebe u oa e tekenela, Ntate Speaker, ebe Moetapele oa
Ntlo o bitsa Business Committee ebe ha e tloha Business Committee e fuoa Clerk ho etsa publish Order Paper, joale e ba Tona-Kholo ea naha e re ketso eno ke tlolo ea Molao e mpe ke ho koetela. Kannete, Mohlomphehi, we have to embrace the constitutional frame work ea kamoo Molao oa rona oa Motheo o tolokang litaba ka teng. Ke ne ke re, Mohlomphehi, ka kutloisiso eaka e ne e le hore Mohlomphehi Tona-Kholo a etse embrace taba eno, hore whoever has filed the Motion of No Confidence in his Government o setse morao lipallo tsa Molao oa Motheo. Ha hona Molao oo a o tlotseng, ‘me a hule mantsoe ano. The statement itself it is a bad statement from the Head of Government.
RT. HON. MR. SPEAKER: Mamelang, Honourable Members, I would have not imagined that nature can so well arrange to cool down tempers but it has. Today it is very cool outside. Very cool! That I think it is equal to heat that I see in the House. Kea le kopa ka ho le rapela hore le se ke la ba la futhumala ha kaalo. Le ntse le le Litho tsa Paramente ena tse Khabane. Ka lebaka lena theolang moea hee baholo ba ka re etse mosebetsi oa sechaba. Point of Order, Setho se Khabane sa Motimposo.
HON. M. MOTSOASELE (Motimposo): Kea leboha, Mohlomphehi, ha u nkeleletsoe. Re bona e ka ekare kopo ea hau ea hore re theole moea e boima hobane re se ntse re hlekefetsoa ka mona. Mohlomphehi Phooko mono moo a lutseng teng o se a le tlokotsing eo a e etsetsoang ke Mohlomphehi Masiu. Ka hona re bona re le bothateng kapa tlokotsing, Mohlomphehi. O se a ntse a mo etsetsa litšoso tse sa mamelleheng. Kahona re kopa hore u re namolele, Mohlomphehi.
RT. HON. MR. SPEAKER: Order! Honourable Member. Ke bona eka ke ntse ke hlile ke leka ho thiba eona taba ena eo ekareng ha re re hepu! ea qetella e se e isa linthong tsa makotofa, athe joale le Litho tse hlomphehang tsa Paramente ea Motlotlehi. Eleng hore tlohelang ho etsa joalo. Ha re sebetseng mosebetsi oo re o tšepetsoeng oa rona oa Paramente.
Ke ne ke bone point of order eo ke seng ke sa tsebe hore na e hokae joale. Empa ekare e se e le sieo. Point of order, Honourable Kabi.
HON. N. KABI (PR): Kea leboha, Mohlomphehi Speaker. Ntlha ea tsamaiso eo ke emang ka eona ea pele ke hore, Mohlomphehi Mofomobe, o re poison leha u ka ba oa e etsa postpone e ntse e tl’o u bolaea.Taba eo ehlileng e leng khathatseho ea ka haholo, ke hore a hule lentsoe “ntja e nyele.”
RT. HON. MR. SPEAKER: Ke hore mantsoe ao o a buile a ba a etsa ntho eo u neng u e etsa? Ha ke tsebe hantle, Setho se Khabane. Ha kea utloa ha Setho se Khabane se bua mantsoe ao a hlohlontšang litsebe. Ka lebaka leo, nka mpa ka khalema feela ka kakaretso hore ae, mantsoe ona a lokela a be parliamentary. Re bue re le batho ba baholo.
Point of order, Honourable Member for Makhaleng.
HON. M. S. LEHATA (Makhaleng): Kea leboha, Honourable Speaker. My point of order ke ea tsela ea tšebetso ea Ntlo and the practise. Mohlomphehi Motsamaisi oa Lipuisano, hangata Paramenteng mona, ka linako tsohle Lehlakore Opposition hobane ha le na lipalo, hangata ka lebaka la lipalo tse ka Ntlong, e-na le ho balehela khotla hore “lekhotla re namolele ba bangata ba re hateletse.” [Liatla]
RT. HON. MR. SPEAKER: Honourable Member, ako e behe hantle. U se ke oa re ha e-na lipalo hobane li teng tsona.
HON. M. S. LEHATA: Opposition e be e se na lipalo, if you have numbers u ba karolo ea ’Muso, tse lekaneng ho theha puso. [Lerata]
RT. HON. MR. SPEAKER: Honourable Member, u Setho sa khale sa Paramente. Ke bua taba e bonolo hore Opposition eona ’nete ke hore e na le manane, u se ke oa re ha e na manane. U bue hoo eleng hona hoo u ho bolelang e le hore Hansard e tle e re thuse…
Tsoelapele, Setho se Khabane.
HON. M. S. LEHATA: Kea leboha, Mohlomphehi. Ke ne ke re hangata ka hobane Bohanyetsi ha bo be le lipalo tse ngata ho feta ba ka pusong, bo balehela khotla moo ba bonang eka ha ba sebetsoe hantle hobane ba bona eka makhotla a ka ba namolela hobane li-vote ka Paramenteng ba sena tse ngata tseo ba ka ba hlolang litabeng tsa bona.
Ha u ka sheba Paramente case tse bileng teng tse amanang le Paramente, ke li-case tse hlahang ka ho Bohanyetsi. Taba ena e be e le feela hore makhotla a utloe content le hona hore na rea bolela ha re re lipalo tsa hore li hlole li be li le sieo. Ka hona ke ne ke re, ’Muso ke pitsa e maoto a mararo. Ke ’Muso, Makhotla, ke Paramente feela ke ’Muso. Ke pitsa e maoto a mararo. Maoto ano a mararo a tsamaisoa ke ’Muso.
Pitsa eane ke ea ’Muso, Judiciary e sebetsa tlas’a ’Muso. Paramente e sebetsa tlas’a ’Muso le Cabinet e sebetsa tlas’a ’Muso, umbrella ke Tona-Kholo.
Mohlomphehi, ke ne ke tla moo ke reng joale to my surprise le pele u re joetsa, ha u qeta ho re balla u tla be u koala u tsamaea, to my surprise ke hore ’Muso o iqositse.
Ke hore na ha u iqosa, u iqosa ho mang, u le puso, u le ’Muso, u na le matla [Liatla].
Lipalo ka Paramenteng ke tsona tse buang, tse laolang, eseng makhotla [Liatla]. Mohlomphehi Motsamaisi oa Lipuisano, hape taba ea …[Lerata]
Mohlomphehi Motsamaisi oa Lipuisano, ke ne ke re Molao oa Motheo o hlakile hantle [Lerata] ka ntho e bitsoang separation of powers. Ha o hlakile joalo, o bontša role ea e mong le e mong hore na ke efeng.
RT. HON. MR. SPEAKER: Honourable Members, order please!
HON. M. S. LEHATA: Ke ne ke tla mona moo ke reng…
RT. HON. MR. SPEAKER: Honourable Members, ke ne ke re le tle le ntumelle [Lerata]. Ehlile taba ea ntho eo ho thoeng heckling e hlile ke culture ea Paramente. Empa joale ha e se e fihlela moo the Speaker a ke keng a hlola a utloa hore na Setho se buang se ntse se reng, re lokela ho etsa kopo-thapeli hore ha re mo utloeng hore na Setho se Khabane se ne se batla ho reng na. Qetela, Setho se Khabane.
HON. M. S. LEHATA: Kea leboha, Mohlomphehi Motsamaisi oa Lipuisano. Ke na le lilemo tse fetang leshome le metso e mahlano ke le Leparamente. Joale, ke tla mo ke reng [Lerata].
RT. HON. MR. SPEAKER: Honourable Member, ke ne ke ile ka le kopa hore le fe Setho se Khabane sebaka sa hore a thethe litaba tsa hae. Ke ne ke bone eka re ne re lumellane. Aku etse joalo, Setho se Khabane.
HON. M. S. LEHATA: Ke ne ke tla tabeng ea ho qetela eo ke neng ke e bea e le eona taba-kholo ea hore ha ho buua ka separation of powers, ha e le hantle Parliament ha ea lumelloa ho bua litaba tse ka makhotleng, tseo hotheoeng li sub judice empa le makhotla ha e qala e le ka Paramenteng ha a e kene hobane re li-arm tse lekanang. Makhotla a sebetsa ka liqeto tsa Paramente hobane Paramente ke eona e etsang molao. Rona re le Paramente re etsa molao eo makhotla a ahlolang batho, a shebang litaba ka molao o entsoeng ke rona. [Liatla] Taba ea separation of powers re tlameha hore re e shebe.
Mohlomphehi, ke sisinya hore haeba u na le taba eo u reng taba li ka khotla, Ntlo ena e etsa suspend Standing Order se buang ka sub judice re etse vote…re kena ntoeng hobane re na le matla. Kea sisinya hore u behe taba hore na Ntlo e lumela ho etse suspend Standing Order or not. Re tle re bone hore na ke hobaneng ba tšaba ho ea ho etsa vote. Ke tsisinyo ea ka, Mohlomphehi.
RT. HON. MR. SPEAKER: Litho tse Khabane, ke ne ke re Setho se Khabane u eme on a point of order. Ke e mametse ka mamello ho tla fihlela hona joale, ha hona moo ke bonang u re ho na le tsamaiso e robiloeng. Ka lebaka leo, ha ho hlile ha ho point of order litabeng tsa hau.
Litho tse Khabaneha re ne re lokisitse, Order Paper, ‘me re tlile ka mona ho tla buisana ka litaba tse ka ho Order Paper, my Chambers have received a representation from the courts eo ke bonang e le a direct challenge to the matter of todays’ Business. Ka lebaka leo, ke bona ke tlameha ho ea ithuta taba eno hantle. The House is suspended until 4 o’clock.
House suspended at 3:02 p.m. and resumed at 4:05 p.m.
RT. HON. MR. SPEAKER: Litho tse Khabane, ke ile ka kopa motsotsoana hore ke tle ke ithute hantle litaba tsa nyeoe ena ‘me ke fumane hore litaba tsa nyeoe ena ka kotloloho e qholotsa litaba tsa motion oa kajeno, ka kotloloho.
Re se re e-na le lietsahala tsa pele tse re etsetsang likaletsa. Mohlala, ha re ne re tšoere mosebetsi, Monghali Kananelo Boloetse o ile a lahlela nyeoe ka khotla khahlanong le ho khutlisetsoa ha Tlhopho-Bocha Paramenteng ena ea Leshome le Motso o Mong eaba re ikobela makhotla rea fa sebaka; Ka mokhoa o tšoana Mohlomphehi Nkaku Kabi le Mohlomphhi Tefo Mapesela ba ile ba hlahlela nyeoe khahlanong le the Second Special Meeting of Parliament, le eona ka mokhoa o tšoanang re ile ra hla ra e nyahlatsa.
Morao-rao re ile ra ba le nyeoe ea Monghali Boloetse le Lekhotleng la Maipiletso, ka mokhoa o tšoanang ha esale ree tlohella taba eo.Kajeno ho bonahala re tobane le ena e qholotsang Motion of No Confidence ‘me ka tsela e tšoanang re tlameha hore, for the purposes of consistency, re tle ree tlohelle re tšepe hore makhotla a tla e sebetsa kapele. Kahona ke tšepisa ka matla ’ohle hore hang ha makhotla a sea entse mosebetsi re tla fa motion ona priority e o lokelang in line with the procedures and culture established in this House.
Hnourable Members, we have come to the end of today’s Business and the House is adjourned until tomorrow at 2:30 p.m.
Thereupon the Rt. Hon. Mr. Speaker adjourned the House without question, pursuant to Standing Order No. 16(4).
ADJOURNMENT
The House accordingly adjourned at 4:05 p.m.